غرقت في بحر حبك

الا يا بعضي الباقي الا يا بيتي المهجور
الا ياحلمي العذري .. وتفكيري .. وافآقي

تعبت اركض ورى حب غديت لطاعته مجبور
والاقي في اعز الناس غدر .. وكذب عشاقي

تهيالي العمر ابيض .. تهيالي فرح وسرور
لقيته عمري الاسود .. لقيته طعنت فراقي

تمنيتك ضيا عمري .. تمنيتك عطر وزهور
تعوضني عن الماضي .. تعيش لحلمي الباقي

تمنيت الفرح ينزل تمنيت السعاده تزور
وحزني مل من جسمي .. ودمعي حرّق احداقي

رقيت لبرجك العاجي .. بنيتك في هواي قصور
ابي حضن يدفيني .. يدفي برداعماقي